علي سهر / بابل
ها يبعد اهلي ابعباتج كبعوج.
فقره صارو اهلج او ما عارضو.
اشمالهم لمن اجيت اطلب اديج..
ابسوالف تكسر الخاطر بدو.
اليعاشر شجرة يحجيلك خضار..
باخلاقي ما سألو بالفلوس التهو.
سدو ابوجهي درب جان الوحيد .
وابخناجرهم على اضلوعي انتجو.
الحايط الكاشخ صور موش ابن ابو.
الحايط الزلمة اليعثر بالسطو.
سدو الشباج حلكه او سكتو .
حته ما ايسولف ضوه اويا عاندو.
النخلة مكسورة كلب يوم الكصاص.
كل تعبهه ابخزرة المنجل خذو.
لجرف عاشك يحب ذاك الجرف .
او جي خبيث الماي ما يوم التقو.
شاتل ابروحي سوالف وانتي ماي.
موش لله جي يكرهونه اجو.
حسرة ظلت بيه اشم اجفوف اديج.
او بين اصابيعج امد روحي او انام.
جان اجيتج لكن امجتفني خيط.
ابغير ذمتي او من اشوفنج حرام. .
اشلون اغمض جفني واصفيلي اعلى راي .
اصورج امسويات بعيوني ازدحام.
الولفة عرس يحضن الحسرة او ينام.
او لا يسولف يفضح الذلة الكلام.
