كامل الكعبي / الكوت
يالسنهـــم بالظــهـــر خنجــر عتيـــج
طشــرت جرحــي وبعــد ميفيــده لم
من حجي الصحبان صـار بظهري بيـر
شبه زمزم بس طلع مــن عنــده دم
من صرت وردة اكطعوني بعز صباي
من صـــرت عاگـــول رادو منــي شم
من صرت جذع النخل صارولي فــاس
موش طولي كمت احس صوتي انثلم
ڇفــي من عضيته ظنو طكنـي جوع
وانــــي مـــو جوعــان عظيتـــه انــدم
انـــي شراي الـــربع مـــوش الــربــــاع
انــــي اريـــدن صاحب يشاركني هــم
انـــــي أصالــــح مو مصالـــح للصــديج
رغـــم يــم شمـــاتــي متــــولينـــي ذم
گصبه من بيت اطلعت ردوني نـاي
منيـــن ميمـــرني الهـــوه يـزود الألــم
شيبـــت مــــن ربعــي ذريــت كفاي
ابنـــي لمـــن صــار شيــب براسه عم
صح طلعت انسان بـــس ردوني جــود
منين مـا تجهبنـــي تشلعلــك سهــم
