حسن الاسدي/ بغداد
يحلوة جيلج انتي وكلشي نازك بيج
كلشي البيج احبه الضحكة والكذلة
خصرج من يميل كبالي روحي تميل
واصعب نظرة يمج تنكلب سهلة
اخدر من اذكرج مو من احجي وياج
سبحانه الاله الصورج جله
عينج دوختني وعقلي بيها احتار
ليل الله اعلى عينج هذا لو كحلة؟
دوختي اصدقائي بجسمج اترجاج
لتفوتين مني بساعة الحلة
شلج بالدراسة المثلج يدرسون؟
كفرة البجمالج تكعد برحلة
كون ابكلبي احطج واقفل بمفتاح
والكال انه اريده وزلمة يوصله
شفتج جربتها اتخدر المصيوب
تسوه اجم طبيب وتشفي جم علة
شعرج من نثرته ابحضني حد الان
باطراف الاصابع جن بقت خصلة
شككت القميص وشككت..ماكول
انه وانتي جنه المستمع شله؟
صدرج شرد اوصفه الجلة متمظ بي
دافي ومن حلاته يداري بس خله
صح عالي العنب مالوحه بس ماضوج
حامض ما اكولن خاطر اوصله
حلوة البحلاتج حلوة حلوة روح
لان ترفة ورقيقة وكلبج اوصله
شتظنين اعوفج لو شبكتج يوم؟
اله اطبع اديه بظهرج واله
(بالركبة اشتم كون وانزل حدرهه)
(من عدهه ويسموج ماتنطي سرهه)
