زين الرفاعي/ بابل
ليش رايح والوطن شمرة يتيم
بالرصيف ادموعه خلتله ثلم
ليش رايح يم وطن مابي امام
موامان اتركنه من سوء الفهم
بحر يبجي اطفال يمسح خده روج
ويرجع الروج ويصفك مبتسم..
ردت تضمن حقك ابكلمة فساد
وبمكان الدين راتب تستلم
الماي عاشك والبلم منطي كفاه
دزله روجة وحقق ابوجهه الحلم
ايده خرسة وعينهم مكفى القطار
تنتظر يندار بس يطلع رسم
جرف ناقص ماي بي شهكت عجوز
دزته وليد ولكت بس الهدم
كصة عطشت اغرك وشربهه ماي
شنهو ذنبه استوه مايعرف يشم
ناس فتكت مستحاهه ودنيا خيط
وشاب دك الساتر ابجلده وشم
الطفل يغرك لونده يطفر عليه
شلون غركته ابحر شابع اثم
شنهو ميكزبر جسم اسم العراق
ليش رايح يم وطن مابي زلم
