الشاعر يوســـف حسن
سنتين اتفقنه و كضن عشرين
و رمح هجرك لهسه بروحي مغروس
و عشت كل عمري ليل بغير ملكاك
اباوع عالشمس تمثال فانوس
جائز يم عشيقة هناك ظليت
و ما لومك ضحك والليل و الكوس
و هواي الكلوب و واحد الحب
يظل التاج بس تتبدل الروس
ــــــــــــــــــــــــ
ضعت بعدك حبيبي بين الظنون
و مثل الريح امشي بليه سكان
ضعت بعدك حبيبي بين الظنون
و سكرانة السفينة بغير سفان
الشماتة استفحلت و اتوسلك عود
اذا تموت الشمس تفرح العميان
وظل كلبي بأمل ترجع و الاكيك
و كلت خله بأمل ما احجي خله
محضرتلك لحن مسامعه العود
مثل الريح تعزف على الكذلة
و طلع كل الرسمته اوهام باوهام
ارسم على الظلام بقلم كحلة
