باردة وخوفك عليه
من البرد صاير دفو
انته يالمدري شنو
يبست الچلمة اعله شفتي
وحايط الهفه گزاز
انته صح بصفي واگف
چن بحر روجة حنين
ايريدني اركب فوك مايه
بلا سفينة مستحه
و البحر نقطة خجل
منه تعرگ گصة المركب حياء
خل نسولف نبني بالسكتة كلام
احنه منريد الحرام
خل تسولف عينه بلحن النده
ضحكة خدود الولف جنهه الگمر
لمعت العين بوجه عاشگ نهر
جرف ما يوصل جرف
يبسن هروش الگلب وغتاض دمه
زحمة ترمش عين عاشگ
لو گعد محبوبه يمه
اخ يالحنطة بسمارك
من اشمك
ما احضر منجل ايگص الحصاد
من كثر مابيك عنبر
دمك مرورت حلاتك
حيل وردي
حيل اخاف يلوحه خنجر
انته تسهر وانه اسهر
بس نماشي شراع ظلمة
و الحلم مفتاحه سكتة
مثل شاعر يسحب خيوط الصور
وانه ادري
سجة الغيمة مطر
تفرح بملگاهه صبخة
توخر مرورت غصن عاگول اصفر
فرت الناعور فكره
براسي بس حلقة زواج
تنتظر تروي المهر
