محروس عزيز / ناصرية
شفتــك مـو مثـل روحــي
لـكيت الـكلشي يـهواها…
ولا جفك يمد طولة على كد طولي
غنة الشباج بالوان الحزن حنه
مـضمـوم بـظفيره كـل شكـو حجاية
مـاكو وجـوه تقــراها
مـاكو وجـوه تقــراها وتفـرزنهـا
عليمـن حــزني وي وجهـك
يـدلل لـيـل
اذا مـا بيك لـتغاوي الصـدك بالـهم
نسيت الكـاع ســر ادام
ونسيت الينـدل بـروحه سمه يغنـي
علــيش أنـدم
حسبـة لـيـل ومتـانـين
بس مـا شفنـه لــون الـدم
شمـدرينـي..
الهـوى مـن يتيـه مـاينلـم
شمــدرينـي..
العيش بغربة عند الناس ما ينمل
ويــكلشـي نـخيت الـكـاع
تـفزعلـي حضـن سمــرة
فيــاي الـنـاس بيـه انـذم
هـذاك انتـه ولا نـيشـان
فـزز شيـمـه الكـمـرة
ولاجنـك…
جمـلت السـهر
صـم لـيـل
وطيوفك جزاها البلكت ولوني
لكيت اليشبه عيوني
برفيفه انته…
ولا دمعة
للسجة التعبر
الطيف؟
للمخنوك بالسكتة…
وارد بـآخــر نــفس مصلوب
شايل مشتهاي ذنوب
لآخر حيل…
