حسام محمد / الانبار
من سولف لك سوالف يمكن تعود
تعال الليل زحمة بعيني سرداب
تواعدني وتكلي ان شاء انعود
عله حيطان اهلي تلگه چم باب!
مااكدر اعوفك وآنه مشتاگ
تره اليشتاگ تلگه بروحه عطاب
آنه الراسم بسمتي ابوجه الأيتام
عكس راسملي شجرة ويمها حطاب
صح وياك عايش ذيب يم شاة
مافكرت أحط الظهرك انياب
ما كافر بسچة وانصلب ريل
متوضي بصبر ،بس انت بغياب
خليت اعلى بابك ولف مطروح
مذلول البلم لو ظَل عالتراب
تذكر من چنت لك شجرة وافياي
ماحسبت نيتك نية اغراب
لاتكشخ لي نورس آنه مو ماي
نشف نهر الترد له بموسم اعتاب
الغيمة الما تمر اخلاف فلاح
خريف بروحي زارع شنهو الأسباب ؟!
ليلي اشگد مريب من اذكر اگفاك
بقاموس العشگ ما انحسب شاب
اليسولفلي فرح ما أمنه ابير
بي نكهت امفارگ هذا چذاب
لدور عذر عمرك مسافات
يالمالك عرف لتصير حباب
