عامر السلام / النجف الاشرف
روحي يمه ابراحتج وصيته بيج
وانه رايح هوسة يم اجنازتي
من يسولف عالغدر كليله ذاك
ريته مخنوكة وهواه ابعازتي
الليل كوه ايطيح غير اشتم نهار
ما اطول ظلمة تغبش حالتي
انه اكوم ابلكي ومدافع دموع
وجهي يكرهني من شوف امرايتي
حايط المسجون بير بلاي ماي
الماي خلص بالسوالف مالتي
بلايه خنكة الدمعة من تنزل حرام
ابيا درب ماشين وخرو احجايتي
روحي يمه ابعرسي هلهولة شهيد
وزفتج اتروح وترد بولايتي
قسمة الله اشبيج والعاشك حلال
وانه ما رايده قسمة جارتي
الماخذج واليدفن استعجل عليش
وشكر الله الدود عاذر حالتي
الهوه طايح والنفس صاير عزيز
وعركة الغركان ليش اطلابتي
