سيف قتيبة
انا اول من صرت كحلت عين الليل
بعطارد وبزحل وبكوكب الزهرة
انا اول من رسمني الله اعله وجه الكاع
سماني العراق الواكف بكبره
انه مجد الامم كاتبني الف تاريخ
بكاعي الانبياء مدفونة والعترة
حقي افخر بروحي واليكون يكون
انه الخيال واعرف حذوة المهرة
انه الشابخ الدنيا من العرض للطول
بحكمتي العرب لاذت وخذت عبرة
انه البيه شعب ينكط حمية وطيب
من يغتاض كل الدنيا تتحذره
انه البيه زلم تتحسر اعله الموت
انه الما بيه واحد مني يتبره
انه مخوف الدول حتى منيطح انهاب
الشمس بيه حتمت من جلت الكمرة
انه شارت مضيف وسالفة ديوان
انه كهوة عرب ودلال والجرة
ياهو الما رجف من عندي وكت الضيج
بيه تحشمت هل جانت معسرة
ترة مننكت الساني يطيح منه عتاب
حنضلكم جرعتة وهل ضكت مره
لحد هسه انه بظهري الماضي بيه يلوح
الخنجر والسقيفة وبيعة الشجرة
اسكت مستحه والخجل بيه يذوب
وشلت وجه الكباحة الخاطر العشرة
رادو يعبروني وكلت خي عبرون
حفرو بير اليه وطاحو ابحفرة
حضارتكم كفر والقتل والتفجير
مؤامرة العرب بينت بالجفرة
لاتقارني انه العلمت هذا الكون
بيه الابجدية تعلمت تقره
هذا انه العراق وشعبي ايد بأيد
الحشد والجيش لابد خدكم تصطره
