احمد العتبي / ديالى
نست لهفتي وماترهم اعذار
تريدك وشتهت ظحكاتك الدار
لهفتي شماطفت لومرهه طاريك
توج وحشت غيابك تخفك النار
اطش بحسرتي وكل صفنه حسيت
دمعتي اعله الجفن زفتهه لخبار
اجربطيبتك ويعتني لوداع
وطيح بفشلة اعمه وخلكه ينهار
زرعت مناطرك بس احصد اغياب
شبقه بحاصل غيابك تعرف شصار
تمرتمشي الصور والهامي مسجون
بمسافه ويلقفص مابيهن امتار
اكلهن بس تعالن وسمع ابليس
يكلهن لاتروحن هذا غدار
واناالراهن فطرتي بجف الغصون
اخاف اجرح فراشه بجفي لودار
تكلبني الشماته بهجرك هواي
مثل مابلجفوف اتكلب الزار
انا مظحك السهربسوالف اجفاك
تكبع بالفرح خليته محتار شِفْٰتْ نجم الظهر بس انته ماجيت
المثل واظح بعد ماحاجه يندار
نكت ظنوني كلهه وطاحت اصنام
كفرننسه المحنه ونعبداحجار
انا مكاوم فركتك شوكي مكتول
شلي بشيخ العذرلومرني خطار
الزرع ذكرة وجذرهه بكلبه مدفون
اذا ماتت تلجمه ويشهك بثار
كرامات العشك بس حظنت الشوك
واناالظلت حظنتي بوحشه تنزار
الحضن بارد يظل لوما لكه اعزاز
تعال شبكني حيل بحظنك الحار
خلص كل الحجي ومشتاك احاجيك
فطن بحساسي وندل وين الوكار
جنح والبسته بيدي احساسي عصفور
ترف يحمل عشرتي احساسي لوطار اسيرلشجرمن اشهك الخوف
وصاحب كل جرف بي حظنت مسار
صفه اشراع الموده وعاند الريح
بحرت كوه ولويت بجفي لعصار
كرمتك وانا شيخ بديرت العود
كبل لاتحجي اعرف شتحجي لوتار
الك حرمت عشرتي وحرمت كفاي
كبع وحده وانته بكيفك اختار
