علي الجياشي/ سماوه
بعدما خانت تريد أن تعود له بشتى الطرق …
وهو يقف رافضا ..فتقول له …
فصلني اعله كيفك مشتهيتك طيف
ثگيلة هواي احسن كلمة الرجعة
رجعني حلم مستعمل بأي ليل
لأن كلش تچوي حرورة الدمعة
يگلهه ……
فصلتچ نبي وخنتيني بت الناس
بعد يارجعة ظلت فدوة انسيني مارجعچ بعد گطرة بحلگ ناعور دمعة وطاحت وما ترجع لعيني
تگله …..
ماخنتك ولكن للشباب عيون
صلفة وما تحس بكل عشگ صادگ موذنبي الذنب بيهه التريد انساك
دنيه وما تقدر حرمة العاشگ
يگلهه …….
شني عيون الشباب مرايه صارن ليچ
استلذيتي بنظر للماهو خيالچ عوفي الدنيا صفحة وما عليهه الناس ماينفع عذر شيليني من بالج
تگله ……
ما ادور عذر بس الصدگ مطلوب واذا رايدني احلف بالَشعر والشال رجع امنايتي وخاطري المكسور احبك من صدگ مو كلمة التنگال
يگلهه ………..
ماكاسر غصن اكسرلي خاطر ليش ولاريدن حلف كفيهه الحچاية
شلي بوردتچ بگليبي الف بستان
البرايه نبي هم يختلف رأيه
