علي خالد الحميداوي/ بغداد
اكتبلي كلشي بي حزن
بي كلشي يبجي من يون
صورة طفل شايل جفن
مال امه ماتت من خبر
جابو ابنه ابلا وجه
مابي ملامح تندفن
ورسملي تابوتي حلم
والوانه خليهن ضلم
ماريداسمع ينرحم
بلحلم يحركني دمع
يندهني قوس من لفجر
اكعد ترابعينك سهم
وشطبها جادرينصب
خاطرشماتي ماتطب
ولاترسم الجثتي كلب
ماريد احب بالمقبرة
ميتين كلهم بالغدر
مومال يم موته نحب
وخليلي جنازي طفل
بذمته ورد ماكو ذبل
ولاضحكة من شفة كتل
على أقل شيعني ملك
بلكت بخت هذا الملك
يم كبري وردة تنشتل
وماريد امربطيف احد
خليني صاحبني اللحد
مليت من جد وجد
زارعهم بكلبي زرع
وشحصلت غيرالطعن
عن حلفت الله والحمد
محبوبي لتخليله اثر
ومن باله شككها الصور
رسامي رهمها اعتذر
ماتدري بي لمن يون
وانت بجر جابت ولد
حل كلها صاحت من عثر
وخليلي كبري بصفنتي
خاطر افرزن صحبتي
الماذكرني بعيشتي
المن اجه ودمعة جذب
من جنت عايش مااجه
صارت عزيزة جنازتي
فرحان كلشي بموتتي
حتى الهوه مل ريتي
والليل سبل دمعتي
يبجون يمي بالجذب
واني كبل ابجي عمر
واندهـ الموته بونتي
