امجد كمال الشبلاوي / كربلاء
السالفة الملحة التطر اذن البخيت
الملح المحليهه باحجاياتنه
عشنه صيت الما لمح زلة لسان
بخت ويسمي الفريضة بذاتنه
ما تمايلنه برخص يم عالي جاه
ترابهه يرخص الذهب صاياتنه
نكص جتفهه التربة من مال الفقير
سمره ادينه وشوفهن مالاتنه
ما علينه بإيد طالت عالحرام
نترس الجوع بكرم نياته
هوه صح بالطول فاتتنه الادين
بس على الصعبات محد فاتنه
نكمط الجلمة بهلا لو مرنه ضيف
حتى تتأدب صدك جلماتنه
للمضايف زحمة ما خلينه بوب
زحمه يوكف ضيفنه بعتباتنه
احنه بس يشوفنه الطاهر حليب
ودورونه وتيهو شماتنه
عشنه بكلوب اليمرونه أمان
بشوف العيون ايتغطه الباتنه
ما نمد الإيد وتجدي الزناد
كلوبنه الثارت كبل جيلاتنه
