حاسبينك .. مثل رمش عيونّه

بعشرتك لينه

معاهدينك .. وانته كل العمر

وايامه وسنينه

وداعتك ذاك انته غالي

حبيب وسلوة حچينه

انته روحي ..

وروحي جم حب تدري بيهه

حبها للكاع المشيت انته عليهه

حبها للمزنه الروت خدك سكيهه

وحبها للناس التحاجيك بحجيهه

حلوين ..

بوجوهم فرحة الدنيه الضاحكة

حلوين ..

بعيونهم ملكَه أحبه مفاركَه

العين لو شافت وجوهم باسمه

تشع بسعادة

والكَلب برياضهم فراشة بالحب حالمة

وطافح وداده

عاشكَين احنه وهوينه

ومثل ما ردنه لكَينه

وحاسبينك ..

انته خليت السوالف .. طافحة بروحي قصايد

وانته علمت الشفايف .. بالغنه تصوغ الكَلايد

انته .. يا انته وغرامك

وشكبر روحي بسلامك

همه روجات الفرات .. العاشرت فَي الشواطي

همه دجلة ومن دلاله .. يسيب ويه الكمر غافي

حلوين ..

صابغتك من الغروب خدودهم

حلوين مثل عشرة رازقي ..

ويه الندى بعهودهم

وحاسبينك ..

من هويتك….

لمت روحي الما هوت بسنين صغري

وهيچ اثاري؟

الحب حلاته يشع سرور ابين صدري

ياغرامك

مثل طعمه روحي ما ضاكَت سعادة

الدنيا حد الشوف حلوة

والكَلب ينثر وداده

عيونكم تبرالي نجمة

تدور بيه شما تريد

طافت بروحي حنان

وكَرّبت مني البعيد

الدنيا حلوة

الناس حلوة

والوطن باسم سعيد

عاشكَين احنه وهوينه

ومثل ماردنه لكينه

وحاسبينك