ضياء حسين/ سماوه
في ظل الصمت العالي من اصحاب الالسن الناطقة وصراخ الاطفال عادة هوادج بيت رسول الله على ظهور لاتعرف الاستقامة فقلدتها بعض العقول ;وعليل في ما بعد اضيفه لسمة تاء فيصبح تعليلا ،قائد الطف الثاني زينب حفظ الله متنها ورعاه مخاطبة الرئيس المستقيل بعد اتمام رسالته قائلة
لملمت كلشي واجيت
بدمع جاهل
وحرك نسوه
وظعن شايل ريحة الله
لملمت كلشي واجيت بواشل الواهس
اتنظر دفو وجهك اخ وجهك
اخ والجهك الشالو منه ختم الله وحطو بنصه حجر
اي يالجنت للدنيا بخور وبالطف وجروك اتناثرت ريح ونحر
امن امتك اي امتك الجانت اتوزع فواتحه عليك وانت تنطيهم عرس
وياعرس الهلهلت يمه المناية واجه عزرائيل زفهم
كلشي انطيتهم
حتى اذكر انطيتهم كلشي ونحر
وشلة حيلك نهر وبس كطعو منه الروافد
انطيتهم ذاك الرضيع الطلع يتشبه بعمه وعزب بذاك السهم
ياحسين الطف عبارة
يوضح اشكد انت كريم وهم مايستاهلونك
والدليل حتى اصبعك اي ذاك اصبعك
الطلع وحده بقصيدة واشتهه اليكتب جديد
راد يبيلك وقاحة راد يبيلك نذالة هاي ناسك العافتك وركضت عالحديد
وهاي امتك
ماي وجه الماي خلص وماشفت من عدهم اكصص
ياحسين العتب يوجع
وانه ماجايه ارد عاتب
انا جايه اسأل عن وضع
ليش خانوك الربع
ليش بس عباس يمك وجم ضوه من اخدود النبي
ليش مشوني بسبي
ليش محروكة العبي
وهم صدك
ياحسين الوضع يشرح حاله
من رحت لهناك اكملك رسالة
رحت مجتوفة بحبل و احبي احبي
بس اوداعتك من سولفت لبسو عبي
