حيدر الاريحي/ ديوانية
سدعين الشمس بيدك وسولف بيك
مايبخل ضــواك بــكل وكــت كمـره
تنهض يا وكت باعو كصصــهـم بيك
بعد جم فشــلة حته تصيرلك عبرة
مشيت دروبـهم مابـيهه كطرة فياي
شمس وانته اعله طولك سولفت شجرة
يـــقرونــك زرع عالورق ماشافـوك
كـطعو مايــهـم جه كاعــك مــخضرة
شلتهــم فوك مــتنك عــمـر مامليت
بـــوكت جــانت مــتونك للتعب حمره
نكرو حضن كاعـــك عــجـب مامعقول
شــني ماغــزرت مــو كـهوتك مـرة
خلص خيــرك بناهم وانته راعي الخير
بــوكت حلك اليجوع حــجايتك سفـرة
صعدو غـيم خلهــم للسـمه يـصعدون
يــثكلون ويــجــون الـكـاعـك بمـطره
اليـصير اغراب اتركه العطش يعمه الشوف
عــراق بكل وكــت مــتخوصر بــجــرة
يخلـه مـنيــن جــفك فوكه داحي الباب
كاعد والـتـــطــوف بــخـاطرك حضـرة
جوي بصدرك لكو وبشهكتك مــضـنـوك
جابو يـــمـك الغـــــركـان والــجمـرة
مـناجل سيرو شافــو خـــظــارك لاح
ابــطن كــاعك كلو يـــامــنجل تـعـذره
شـني ســـاكت بــعد مو كصتك عـباس
صــفنو بــيـك غيض وخـزرتــك صطرة
شد حيــلك ضــوه مـنادس دربـهم ليل
وشــعل نار غيـــضك وحــذر الـعـثرة
لا تســكت بعد جم خيــمة حــركو بيك
جم عــبد الله يـــنزف للوطـــن نـحره
ماضــكتك وطـــن خليني عايش بيــك
وطش حنــطتك ليــنه بموســم الهـجرة
