مصطفى الاميري/ كربلاء

وادع حبيبك كله ولكاك بخير

نيتك عراق وصادق وحب تفكه ..

بيت انت تلكه منين تلكه أهل البيت

بالخارج حجاب اختك انت تحركه ..

تضحك هناك يجوز بس من تغتاض

شباج للكاظم بعد ماتلكه ..

يالدم اخوك محمر شفاف الكاع

جا لو رحت ياهو الي يأخذ حكه ..

فجروك اي باكوك بس ما خربوك

يتباهه بالرصعات وجه الدركه ..

شو بس فرح تردون شيرده الخير

تهوه الجفوف اللطم مو بس صفكة ..

وكللهه لاتنسين من تزورين

بوسيلي شباج الضريح بحلكه ..

وحجيلي عن وضع الشباب يحبون

لو وردة ماكو اعتادوا اعله التفكة ..

البوكته كلشي يصير احله يكولون

يالله الوكت مو ملكه ساعة فركة ..

من الله فشلة يكول خاف يجذبون

روحي العراق يريدنه ومن حكه ..