محمود المدرس / بغداد

للأمانة. .

وكلمة للتاريخ احجي

جنت احبج كلش انه..

وللخيانة..

انت طشرتي عشكنه

مو وكتنه الطشرانه.

اني..

اني ماهمني فركتج

ولو مشتاك لضحكتج

الهمني كلش..

الشماتة شلون فرحانة

بجفانه..

والمصيبة.

الجانو يشيرون بينه

شلون نوفي.

ذوله مو جانو ورانه.

تقدمو بالمستوى

وقل مستوانه.

وبقت بس نجمة بسمانه.

والشمس ﻻذت بغيمة.

والكمر ماعاد يسهر

هم نسانه.

واطشرت كل السوالف

ابير ودعنه صدانه

والحمامة..

 رجعت لعشهه تسولف

محد يدوم لزمانه.

والنوارس.

بطلت عشك السواجي

بيوم بطلنه هوانه.

والفراشة.

بطلت عشرة الوردة

جانت تحب ملتقانه.

وامدانه..

شكثر مرتاحين جنه

نسوي كلشي بمشتهانه..

هسه كلي شحصلينه

كبرياء العنده لعنة.

والهجر رب المهانة.

ياهو انت وياهو انه..

اثنينه ..

من طينة وحدة

وروح وحدة

طشره الله الطشرانه. ..