مثنى الشمري / ديالى
اعشكهم واستبشر بمدري بيش
لا انحسد بيهم عليهم واندم
من اعطش الشمة جف هوه احتاج اشتاگ
اشتهي الملگه وبالصور حيل اشتم
ضيف الضوه يمرني وظلامي يطگ ناس
وانطش حدر ذكراك وبموت التم يخزرني صوتك من اسولف مرتاح
راضع ورابي ويه المدامع والهم من احجي بيهم يصعد براسي الشوگ
هرش اليكتله العطش ياخذ عالنم
صعبة من اميز بين خدهم والعيد
يمكن عرجهم واحد الله اليعلم
بين المهد واللحد لهوا للناس
وبيناتهن بيهم گضيت اتحلم هجولت رأيي وفزعه اريدن للحيل
واحتاج فد كليب كون معلم
فلاح واستصعب الكاع من اتبور
واعرف نوايا الكاضي عمره محزم
افزع الطرواك واواكح مغتاض
مثل التحشمه ويفزع البنت العم يزهن بروحي سويلفات حديثات
ترجية وردة عران جيب اليفهم اعشگهم بكد مابليلي يمرون
وبطول طيف القيمته بقيمة دم واهس من اكعد وين جان يگعدون
افرح وافرفح فرحة التون اسلم اعشگهم واستبشر بعمر الراح
وبريحة اهل الماشبعناهم شم جف الملح والماصخ ينز ويزود
والوكت بسوالف تعاسة توسم الله يعوض راحن ايام البيض
نذكرهن ونذكر الـ الله يرحم
راحو هذولاك الينگعوها بطيب
چلمتهم وللجرح مثل البلسم احلم نرد نعشگ عشكهم والطيب
واصحه اعله روحي وبالنتيجة اني احلم
