علي ستار / بابل
ملوحة عزوبيتي راحت من مشيت
توهم بوجهي الي يجهبني ظهر
روحي خضره اتونس عليهه الخريف
هذا حال الي يحب يعطش بشر
البلم من يشتاك يتفطر كفا
ويهز روحه ويذكر مشاقة النهر
عيوني وجفوفي اخلصن فوك الطريق
استهلكن من كمت ادورلك اثر
من عفتني الليل جرد مستحا
وخلت روحي ودمعي بخدودي استقر
بعيني اشوفن جنت زلات الطريق
وخلصن اوراقي وبقيت اكلب نظر
وانته خاين وانه احسب للبعيد
والليل اكضي ادعي ليكتلك قهر
صرت سالوفة ونمت بالبير خوف
ايكشر سنونه علي حلك الكمر
بروحي عانس عاشكة ومعاندين
طباب خير متانيه وطب القدر
الماخذ احساسك تمدد فوك اديك
واخذ منك راحته ومس الشعر
اليعطش ومايلكه خله ايموت ناي
الناي شيب ايموت اذا ظهره انكسر
الجفن صفطته اعله جفي وكتله هاك
البصبعه الخنجر ايدور نحر
يصفن اعله الايد اليتاني تعال
الغازل السجة غفه براسه سفر
وخلي سهمك وين ماصحلك صدر
جرحك انته من الذنوب التغتفر
ذكرو اسمي وصاح المغيسل حلال
هذا حصتي ولاتجذبون الخبر
