الشاعر / عباس الجبوري
جنت اتمنى اصير امن الشعر اية
وجنت اقره القصيدة اكبال المرايه
جنت اتمنى الكه الناس تحفظلي قصيدة
اسوالف احجاية .
حلمت هواي كد هاي السوالف ربط مابيها
كد ماشفت روحي انسان
واصفن ناس اجت عالواهس انعرفت
اضواء و مسارح محد ايردها
صافن مرة اضحك على الصاير هاذ
يسالوني عليهم شرد اكلهم عيب
اقيم وادم اعرف كل شي ماعدها !
شاعر ترس جلده و هذا لا مجنون
حسب ذاك المزاج ايحبه صار (الله )
هاي النرجسية شلعبت بذوقي
شما سمع شعر كالولي متوارد
شما اكتب شعر كالولي لاتهجي
اخاف اكتب غزل و اتعارك اويه الروح
اريد اكتب شعر بس ابكلب بارد
حس شاعر يحب بس من طرف واحد
شاعر عنده كل شي و كلها متحبها
لان مدفون بين الغيبة والتسقيط .
