سجاد السعداوي/ ناصرية
مامصدك جنت اشوفك بس وعيت
وروحي ظلمه وجان ناكصهه ضواك
عينك اصدلي وشوفن بيهه عيد
البي عفتني اهلال مشتول بسماك
وبيهه ميزة ارويحتي اصد بس عليك
وهيه عاجر شافتك طلكت جفاك
وجان بيهه افراك كاتله دليل
مجدر وفرفح لمن ضحكت شفاك
الكاع تذبل لون ماعتاهه دوس
وروحي صيف اتضيع من يجبل شتاك
ريتي مختنكة بنفس خانكهه حيل
جيفن معلمهه تشتم بس هواك
اشتهيتك نسمة وكعدلك صباح
وعوزي جان شلون انسم مشتهاك
انته اول نجمة عاشت بالنهار
وصار تزكام الشمس وي مستواك
الفتش بروحي جسد مايلكه روح
وروحي وين تروح تركض بس وراك
الهيض اعليه جرح عيشني ليل
والهضمني الواشي غرك من رضاك
