سلام الديلاوي/ ديالى

يالناوي الهجر بالكيف تره العصفور مايحتاج حد وسيف.. جان تكلي بلكي انساك

يالشابع نهار شويه اخذ الليل

والله الجفن خلص حيل.. والتمن علي كلهن والمن بعدك النجمات لو ردت اني انزلهن.. يالبابي بوسط روحك انفك لو لا ؟؟

ما حسيت راح الكا

شخص الكبل عشت وياه . بعد كلشي ماعندي..وحتة البعدي مو بعدي ..يجي يوم وركض تنساه ياطلعة شمس يفياي ،،، يالهفة وبرودة ماي ..والله الردته مني هواي.. لو طالب عيوني جا رضيت بهاي.. اجه ابالي كبل عفتك ..كلت اكتب فرح وانساك .. وباول بيت طلعت مني سالفتك ..اربات امي وعشكتك هيج عالفطرة

وبجيت عليك ورتاحيت بس دمعي لهه معزب ابمجرة ..وما اعرف عليش وليش كطرة مجلبة بكطرة ..الناس التنجرح من عدهه يطلع دم،،، ومني اليطلع ابنادم يوميه الجفن بيه مية شاب من عندك ..

واطلعك كوة من روحي وبتالي الليل هم بعدك ..اكضي الليل ودموع الشموع تغالب دموعي وسوه نطفة.. مرات منباوع وجهي الكه انسان ما عرفه.. عرفت السبب بحرورة الشوك وياك جنت بحظني ما تغفه.. الشايل برودة بملكه هذا انسان ماظايكهه المروة ..جنت تحجيلي واتأمل ورد احتار تحجي حروف لو ضوه.. مرني بحال يبن الناس جن ما تعرف شكولي …ولا جنت التكدر طولك بطولي ..يبن الناس ماردتك عرس بس ليش حتى دموع ما الكه ،يالتكشخ جنت بيه انه بلياك اظل خركة.. شسولف يالخريفك طال وانه شجرة بعمر وركة.. يسألوني استحي يم ناس ما سولف بموضوع جنت بس العيونه اكبار عنده انشاف

تاليني صدى خطوات باذن الناس مجموعي.