محمد ابو انمار/ النجف
جفوفي ظلمة
گاوديني خيال .. شمعة
وحيل كل مشلول يبرد .. لو سمع
موت اليدفعه
وبركعج تفصال نيتي
خلي يتوضه
ويرفعه
وحظنج البارد اكل
من عمري ادين
باجر بطيفج اموت
واخذج من الله
دين
مگبرة براسي تون وكت الاذان
ذكره الميت وصية وذكره العاشگ مكان
بيةريحة ثار بايت من زمان
والحلم دكً باب جفني
وماطلع من عيني
نوم
عاگر امنيتي وراج
وراسملها احلام
توم
شباع من عمره وخذاج
الشمس نيتها بضواها
يالحجي
ابن ادم عماج
ومن مشيتي هسه بفراكي
شلگيتي
وانه من دون الهوه شتميتج
انتي
وبعبا ضميت ريتي
وبرگبتج
لسه تتلوح خطيتي
وليش اتاني صرت سالوفة قديمة
حاظر وخالي مكاني
كبر طاريج عليه
وماوصل عتبة اذاني
ياهو وجلج ليلي
ثاني
ياظفيرة سالفتنه المابقت منعدها شيبة
دمعة المشتاك هيبة
شما اكابر يبقه كلبي اليل
عيبة
ومادريت الفرگة ضيم
بيه هدة مطر بس مابيه غيم
واهس المرجوحة يذبل
لو كسر خاطرها عيد
العلم لمن ما يرف تانه
النشيد
المگبرة شگد موته ظاگت
تسلتذ اله
بشهيد
ياگمر حط اعله ليليج
يالي اقرب مرة شفتج بيها
جانت من بعيد
