مرتضى الغانمي/ ديوانية
دگدريني عليج يلوگ غصن التين
غصن ماجايس برودة سمار الطين
واظفريني السواد النام بزلوفچ يحليني
ماظايگ نعاس عيون وطيوفچ تناغيني
اصد يابير وانتي بعيني چنچ ماي
دچهبيني اصير هلال بس مطروح اچهبيني
اصوغلچ حمد محراب وانتي بريله صليني
اصيرلچ هله لمفضوح سره بسلف مابي دين
واصيرلچ طفل يم ناس سولتهم لعب بالطين
يمر طولچ ضوه بنص طيف واطشر عتب ينجاس
يبت الغيم ماهدوچ ونهديت
ولالوح التراچي بصوت حته اندل حچيهم ليچ
وحتاريت
وانه انسان فحط بالشمس لونين حته ارهم شذر معضد
كون يصير اهب ريحان هيچ بطولچ اتمدد
واغط رصعات فوگ الخد
تعاي وياي افز انسان مامجيوس بمرايه
واذا بالغيم هم نلوح
تره العنگود ينزل ليچ بحچاية
