وسام ناجي/ بصرة
ابين المستحــى وچلماتــنه شـــراع
ونواعيــر العطــش لعيـونـه امتـــاع
مامجبــور احطــك عالـرمــش ليــل
ولا شيــلك سمــا وسالوفــتك گـــاع
مالاگيــك وانــه ادري ابتــواليـــك
ماتهـــوى المـلاگــه تحــب الــوداع
الگضــه سنيــنه يتلـبد بالحياطــين
شيهــمه العـمـــر ويــاك لوضـــاع
امگـالـب بالمـعاصـي ولا درت بــال
وعلي حمـــل الليالـي اشريـه لوضــــاع
اليـمــر بيـامــي لازم يـوگـــف اسنيـــن
علــى كــل جــرح بيــه يريــد فــــزاع
ولا خـايــف عليــك ابكثـــر ماخـــاف
علــى سنيـنــي المشـت ويـاك بضيــاع
وليــش اخسـر عليـك امـن الهـوى سنـين
وليـــش اشتـاگــلك وتعــوفنـي بســـاع
طفــولــة واهســي تحـب المراجـــيح
وعلــى عيــون المشانــق عيــدك انبـــاع
