اشتعلت ابراسي قصيدة الليلة ياعود البخور
اشلون اشعلك؟
انته وحدك تشتعل لتضملي روحك
مايضم روحه الضوه ولا الريح يلحگ
ما أگلك:
انته وحدك وزعت كل المحبة
على قمصان اصدقائي
ابحيل عطرك
الله خصك بالمحبة
والغنه الغافي بعيونك
والشعر
صاير محبًة وطالعة من المحبة
عيني ياعود البخور
انته وحدك صار دخانك عطر
محسود .. حقك
والله حقك
صار دخانك عطر علي يدور
ومايدور
الشجاعة البيه كلهه اتبددت جدامك انته
هاكثر صاير جسور ؟
آنه ماشايف.. ولا عارف إله
ايحب إله
يمكن ابعود البخور
الليلة يتنازل إله من الاله
