الشاعر / كريم العراقي

كتبت عام 1974/ 2 / 20

ياقطار العيد

والدخان عالبدلة كحل

يسجدله رمشي ياقطاري وامشي بيك

شما صدى الآلات يمشي

غني جاي النده يغني

والعصافير أربعين

واحنه من كثر المحبة صرنه طيرة وغصن تين

يا سعادتنه وسعدنه

ياطعم شمس الحنين

يالمسافاتك الدنيه

اشموس بيك امسافرين

ها..أهه … ولنك ابونه

والمحطات اربعين

ها…هه التاريخ كله

بدفتر أيامك رقم

واحسد اعيوني امن اشوفك

طول كاع الله حلم

بيك اشم ريحة الوثبة

وشمس كردستان

والجبهة وفلاليح الوطن نجمة سلم

نخلة وبفيها يشيل اطفالنه طيور السلم

كامرات اعيونك انته

وجمعت الدنيه ابفلم

ياقطار العيد الملم عرك وجهي

واجمع اسوالف اطفالي

ويذبل بعيني نعاسي

وبين جاكوجي أوبدلتي

نزلن اطراف الكصايب

شالن الورقة اعله راسي

أو وقعن كل العراقيات

للمرأه

ملك نص الشمس والكاع

والثروات… والحب ….. والجناسي