اشم القمة / كربلاء
يابويه يالخطوة شثكلهه بلياك
بس ريتي شدت حيلها ويه الباكيت
تلاحكلي حسبة نسمة ويطيح الجان
بنص السلف معروف شيال البيت
امشي واجر عطابة مالت رجال
جفتوا خواته وطشروا سمعة صيت
رويحة ضعف مو نقطة يمك مديت
ولهذا ابشرك بالظلع كبرك فيت
جريته بعدك خضرت ريتي سهام
رديته بس كبرين بيه من رديت
الصفنة تنشد بس ابو العين الحوك
وانه من امس ولهسه ما اظن رمشيت
مو كافي يوميه وامرلي بتابوت
من روحي طلعت شنهو جا ما حسيت
من والفتني الخنكة احساسك وين
من وني رد الكمره جا ما فزيت
الحكلي لا ما تلحك اجيب دفان
اي هذا واصل توني ابشرك غمضيت
بضلوعي حسرة شاب مات الحباه
وعرس صديجه وبيده طش الجكليت
ما قصرت عافيتي جاسمه وياك
شوف بدبركم زارع شجم تانيت
يشتم حريجه الكاعد بذاك الصوب
كاظيهه شايط جف جهنم ظليت
حاسبهه روح وياك ما حاسب روح
كهوة بحلك مو خوش احس انمديت
مكاسر عشرتي وياك رية وهيلات
النار تنغر من تشم ريحة زيت
كل هذا وانساهن وافوح ملاكاة
وارجع واتيه بعينه لمن صديت
لا تضغط عله رويحتك ما يحتاج
ارجع طفل بس كلي يمك مريت
