حيدر حطاب/ بغداد

مالحكت تشتم ريحة الغربة .. 

ولاعندك عرف وتشيعك الكصبة ..  

جوازك ماكتبت حجاية بي للماي

ماوصيته بـ امك وانكسر كلبه ..

اذبح دجلة اثوبها بشهر رمضان 

لو كالولي ابنج راجع بدربه .. 

لم افلوس عرسه وناويه افرح بيه

ومدري بيا جرف ذاك التعب ذبه 

ما يتمنى يحلم راد بس ينام 

و كلادة الروج .. اتموت الركبة 

لوشافه النعش يلبس وجه كارورك 

بحلاته وليدي لو حط نورس يغلبه 

حاجولي جرف لا ادعي والعباس 

من انخاه يطلع حرورة الجربة

اكله من الوطن جبته بطلاع الروح 

وخليته اعلى حيل امتوني يتربه 

كلت يكبر بطوله اتعاند وي الشيب 

كبر وتحزمن عكازتي .. وتعبه