وسام العزاوي /  ديالى

عِندَمَا رَأيتُها كُنْتُ شَاباً

لَم أبلُغ الثَامِنَة وجَعَ مِنْ جُرحِي وَعِندَمَا أحبَبْتُها وذهَبَتْ

رُحتُ جَازِماً

بِـ.. أنَ القَلبْ

يقَعُ في المُنْتَصَف

ولأنهُ أحَبَ ما لَيسَ لَه

أُزيحَ الى الجَانِبْ الأيسَر مِنَ الجَسَدْ واچذب ليش…..؟

هو الماله قسمة وياچ

يفرح بيش ياسمره

ولا يعض الاصابع ذيچ

يعض سنين ‌كل عمره

واصغر حيل واصغر حيل

ميميزوني من تمشين

چا هو شيميز الخيط

غير حچاية الابرة

وافشل حيل انا افشل حيل

ميقدروني من تمشين

چا هو اشيشيخ الغيم

غير سوالف المطرة

ومشت السنين وي ممشاچ

ولا عتگن تفاصيلچ

وبعدني من افتح الشباچ

اشوفچ بين الحديثات

//سمره و واگفة بحيلچ //

شبعد بيه واسولفلچ واغنيلچ..؟

وانا اعرف زين كل الزين

السمار يريدله امداراه #هو_الشاعر_يعرفو

#من_ما_ياخذ_اليهواه

استلذ باحزاني حيل وياچ

الـ تنعي بفواتح ناس لازم تستلذ بالـ آه 

نيال الحايط الي يگود من جهتين چف بابچ 

نيال الباب والمفتاح

ولان تشبگ هدومچ ذيچ

اغار هواي صرت وحيل من تعلاگة ثيابچ

ترد عافيتي عشر اضعاف لو يمي الوكت جابچ