محمد الركابي / ديوانية
گمرة وشيب والشباچ لونه احمر
والچرچف خطف لونه وگلبهه اصفر
والشيطان وسوس فوگ واهسهم
شرب جم كاس وتوضى بغنى وذبهم
ورسم بالذنب چم معصوم
والميزان چان يشوف
وتعشى بحلم مذلول من وخر ظوه گصصهم
وهذاك انته كشخت بظلمة ذنوبك
ومشيت دروب تبانة تدلي الماحظاله براي
كل هذا ولون رديت افرفحلك انه وروحي وغنيلك غناوي صباي
وناطر كل نجوم الله تفزز شگره يلله ارتاح
رغم ليلتهه كل شهگة تجر من الگلب سباح
يذاك الموعد شجابك يبس بيه الخظار وراح
وبچفوف الفلح ظليت گبل كل رحة بالمرواح
ولون رديت بس ادوفني ابأيدك ارد كهرب ولم الطاح
اخذ عبرة تره الساعي خلص عمره على هالوادم
وخذ عبرة الشمس بثنين تتعنالهه الوادم
باچر لو نويت تروح ينسون شكثر نايم
وتاليهه ظوه روحك تشوفه بداخلك يطفى
وكل ذاك الغنج يهواي يثاوب لما يغفى
واتشوف الگمرة طگهه الشيب والشباچ لونه اظلم والشيطان يتبرى
وهي ذني المشن وياك هم يمشن على الحمره
وگبل لا تحتويك اتشوف بالفردوس چم حرة
