علي تالي/ بغداد
ﻻ تفتح قفص يم طير محبوس
يظل بجناحه يدعي اعله العصافير
ولتعلك صور للرايد يروح
كفى الحايط مفطر بالبسامير
مايوصل عطر وبصفه دخان
عكس مايمشي اعمه بلا تدابير
انتة منين ارد اطب وتطلع منين
ولمنين وتردني اعله التصاوير
شكد تعبن اجتافي وانته بالكاع
اشيلك واستقر ولكاك ودير
انه البيه خضار وموش فلاح
وياهو اليلكه ياكل يشبع يطير
انه الضحكة تعرفني وانه تعبان
وﻻ لميت وجهي وبيه تقصير
انه الماشي واعرف النار جواي
كلت بلكت اطفي النار وصير
طفيت الجمر رشيتك بماي
خليت النهر ردالي بس بير
انه الما ادري صبري وياك مفضوح
صبر التفكة وي جف النواطير
