سامر جمعة/ الانبار
عليش انتوب….؟
واحنه من الزغر متوالمين گلوب
جنت خايف مطر فرگة بخيالك صار
ابشرك مو مطر ذبت علي حالوب
بس ثوب انتظارك احضنه من اشتاك
وحش (الماتجي ) شگك وراك الثوب
يگولون الوكت من غالب لمغلوب
وانه من صرت يفتر علي مگلوب
عشت شي مو خيالي يمرني بس بالليل
الصوت وصورتك يطلعلي من كل صوب
انه بسكف اللهاة راسمله بلكي تعود
شما طخت لساني تبقه روحي تلوب
ومااتانيك لاتدك باب
باب الغرفة ….!
باب الحوش…..!
باب اتعود ……!
كلها شلعتها البوب
عليمن واحنه كلنه ذنوب
ماتسوه بعد ونتوب
على حبل امنياتي كمت اشر فرگاك
واعصر بالصبح بلكت يطيح اغروب
اغازل بالتتن من يطلع الدخان
چي دخانته دخانة المصيوب
