ياطيور الطايرة مرّي ابهلي ..

وياشمسنا الدايرة شوفي هلي ..

سلمّيلي وغنيّ بحجاياتنا ..

سلمّيلي وضويّ لولاياتنا ..

وروحي شوفي لي بساتين الوطن

هم طلع طليّعها ابنخلاتنا ؟

سلمّيلي ياطيور الطايرة

سلمّيلي ياشمسنا الدايرة

** **

آه لو شوكي جزا وتاه أوي نجمة !!

ياطيور الطايرة ..

آه لو صيف العمر ماينطي نسمة !!

ياشمسنا الدايرة

كان صار العمر صحرا

والوطن ضيّعنا رسمه

وكان ماشفناله صورة

وماعرفنا وين اسمه

لكن انحّبه رغم كل المصايب

ياطيور الطايرة

والهوى ادواغ الحبايب

ياشمسنا الدايرة

اعذيبي يغفه أوي الكصايب .. سلميلي

سلمّيلي ياطيور الطايرة ..

سلمّيلي ياشمسنا الدايرة ..

** **

سلمّيلي , الشوق يخضر بالسلام وبالمحبة

ياطيور الطايرة

سلمّيلي الشوق طير .. اوياج رايح عرف دربه

ياطيور الطايرة

والسما امصحية وصحيت أنا كمر

وكلب الاحبيبة مثل شاطي ونهر ..

مريّ يمّه .. ياطيور الطايرة

واذا مامرّيتي يمّه

تضيع روحي

والقلب جاوين اضمّه ؟.. ياطيور الطايرة

وياهوى ايلمني وألمّه ؟.. ياشمسنا الدايرة

سلمّيلي ياطيور الطايرة

** **

موبعيدين , اليحب يندّل دربهم .. موبعيدين ..

موبعيدين , الكمر حط ابكربهم .. موبعيدين ..

لونهم لون الربيع اليضحك ابوجه السنابل

ياطيور الطايرة

وشوقهم شوك الحصاد اليزهي بشفاف المناجل

ياشمسنا الدايرة

سلمّيلي لو وصلتي اديارهم

سلمّيلي وشوفي شنهي اخبارهم

سلمّيلي ياطيور الطايرة ..

سلمّيلي ياشمسنا الدايرة ..