حسين العبيدي / السماوه
يالرحت عني اعله كيفك
ومن مشيت الدنيا ظلمة
دورت روحي والكيتك
دورت كل ذكره ظلت
ومقصد الرجلين بيتك
بكل كتر ظليت ادور
ما نسيتك
يالهويتك
صرت احسك بالكلب دكات حيف
يالتدك دكة اعله كيفك
اعيوني دنكه البواجي
يالكلتلي اني عميتك
يالصرت جتال كلبي
وآني كل هذا اعتنيتك
تذكرتك
جنت حلمي وحلمي صايرلي بعيد
بعيني اشوفك حيل تكرب
وانت بعيونك تزيد
كلي من هذا شيفيد
فركتك حيل وتهدم
امتوني ما هدهن جبل
لا تمرني بعين صلفة
نضرتك تكتل أمل
لا تموت وردة بيدك منك تشم الهوه
لا تموت كلب راخي
يالصرتله انت دوه
عذبتني
دنيتي راوتني بيه أكبر عذاب
يالزرعت الشيب بيه
وما شفت منك عتاب
صاير بكلبي مآتم
وانت بيه أكبر مصاب
الك فاتح باب روحي
وانت ما فاتحلي باب
