الشاعر احسان الحديثي / الانبار
امشي وياي وافرشلك نده مغبش
اليسولف عالدفو وعالشوك
تلكه بصدره شايل عش
انه بيه ترافة ماي
اشهك من تفز وردة
اليمر ابالي خل يرتاح
يشمر مستحه العنده
اليمر بديرة مال اغراب
بحلكه تعيش كلمة عيب
اليصد وجهه عن الشاحود
بيهه الصوج مو بالجيب
اعرف سوالف الشياب
كبل لا التقي بجدي
اليشلع وردة من البيت
بايگ ولف من عندي
فزعني بوكت بي شيب
تلكاني صبغ هادود
اثكل بالمشي عللكاع
خافن لا يفز الدود
منطلع بره باب الحوش
يصبح بالگمر اشكال
امشي معثر الخطوات
بيه جروح حيل ثكال
اخافن لاتمر عذال
چيلة بكلبي جلمة گال
منشوفن نثيه استاحش
كمت اتحسر اعله الشال
منشوغ عليك تالي الليل
يمرني احساسك الشفاف
اشوف الدنيا كلها بخير
وجه البومة يضحكلي
خشن جنح الفراشة هواي
امشي وظلي ما ينشاف
تعال الدنيا ماترحم
تعال افتح گليبي وفوت
شالو بيه الف تابوت
اريد ارجع وياك صغير
ارتب وياك بيت بيوت
تعال وباقي بيه اسبوع
وجسمي اعله الثرى يواروه
تعال اصفرت الورگة
مرة وكافرة الفرگة
ثورة بروحي من اشتاك
اصفن حتى جيفاره.
