مصطفى راضي….بابل
نفس ريتي من اشهگه اكتل نفس خرسان
شدعي اعليك يلي اسوالفك بالراس
مثل كعبة ويي روحك روحي طافت بيك
شجاك اتغيرت من رحت ماكو احساس
دورتك عشگ وابالي ڇم حسبات
واسولفلك احلامي اتگلهن انته الناس
بنيتك ياصعب مو سهلة حتى انساك
مثل حايط يتيم وفلشيته بفاس
شاهگلك نفس من رية الغرگان
رغم يم رية عشگگ بيهه مية انفاس
واسلمنك نحر وبنيتك اعرف سيف
تكتلني وتگولن هذا مو عباس
وصيتك مو نجم انه الصرتلك ليل
صيت السعفة عالي وتالي للمكناس
ولا ادور مكان بگلبي احطك بي
يعمر الشوك ما گابل غصن للياس
