محمد الاسدي/ البصرة
حلو ظهر البحر بس بطنه تاخذ ناس
الوادم بالمظاهر لا تتفق بيها
الجلمة الماهي زينة وتنحجي بديوان
تره يشبع مغمة السان حاجيها
حاذر بالشدايد لا تماشي الشين
الكصبة بطين ابد لا تنتجي عليها
ترهدن سرك احذر لا تسولف بيه
البير اسرار وادم ما نطك بيها
ابو فاضل وحيد لهسه ظل تذكار
ولهسه الغيرة بس عباس راعيها
سولف للبحر ويرد عليك الروج
سوالف مالحة ويكلك شبيها
بيها هواي وادم غركت من اسنين
جي مافرزنت عاليها واطيها
