الشاعر /ستار الدليمي
ـــــوفي لا حلمي يجي وما يلكه عين
اينام بيهـــه ويـــرد وابــقـــه بـــلا حلم
وخــــــوفي لا باب الجرح ما يبقه باب
وريــــح نســـــــيانـــك تســـــده ويلتئم
وخوفي عيني اتخوني وتبجي صوركم
وتبقــــه بـــور عيوني مابيهه رســــــم
وخوفي ورد الرازقي ايطـــــش العبير
ويجي ويلكاني صنم ما عرف اشـــــــم
وامنين اشـــــــــــم
وريحة الموت اســــــتحلت كل خشـــم
المــــوت زار ابيوتنه ومــــا خلـّه بيت
لا طـــــرق بيبـــــانه ولا صـــاح احم
بــــاك كحلة غـــــوه عين الامهــــــات
واخــذ دم اولادهـــن بـــي يســــــــتحم
امــــــــهــــــــــــات
بلهفـــــة ينتظرن الفـــــاركهن يــعــود
واجـــــه الغايــــب جايــــب لبيته اليتم
قســـــــم تـّيه منه راح المــدري ويـــن
واجه ايـــدك باب الاهـــــل منه قســــم
اجه ايدك باب اهله بس اســــــــتغربوه
يا عظم منهو انته تابع ياجـــــــــــسم ؟
جاب عمــــــره عظام اجه لهله غريب
ورجع يحمل بــــــس رقم ما عنده اسم
اجـــه ايـــدّور عــــن وطـــن يتغنه بيه
الكمر بي رصعة علـــى خـــدود النجم
وطن يغفه بحضنه مامن مســــــــتريح
حظـــن ام حظنه يعــــط ريحــة ســـلم
وطن جف احســـــــــــينه ما بايع يزيد
وطن عباســــــــــــــــ عله الخوه شهم
اجه ايدور…..
عــــن نهر يغســـــل تعب غربة رحيل
وجــــف حنين ايفرزن اعظــــامه ويلم
اجه ايدور ..
عن صديقه المخلص وعشـــــرة صباه
عـــن صور دكها على جفونه وشــــــم
عــــن حبيبة شـــــــــــفافها ترتل حنين
يا حبيبــــي….. افــــراكك عليه زحـــم
اطفال عنده اعمــــــارهم عمر الورود
الورد من عطره لكا شــــــــــو منحرم
اجــــــــه ايدك باب الوطـــن يتنخه بيه
ابتســـــــــم ….. ابتســـــــــم
هاي صار ســـــنين اشـــــوفنك حزين
راحت بنفســــــــــــــــي اشوفك مبتسم
ابتســـــــــــــــــــــــــــــم…
كــــاع عطشـــــانه انتخـــت بالامهات
وانتخن ليك وســـــــــــــكن كاعك زلم
وارتويــــــــــت وبرعمت غيرة رجال
وانـــجبـــــت كاعــــك بـــراكين العزم
