نبيل المنصوري/ كربلاء
ناطرتك لمن جان العطش محتام
واسكيتك دمع وردت بس افراك
انه بصورتك شمشمت ملكه الليل
لان مية عشك مو لازم اشتاك
انه الربيتك طفل يغفه بدللول
وصعب من عندي ذاك الطفل ينباك
وصعبة بشوفتك الملاكه سجة ريل
امد طولي واتاني مناشغ الملكه
واذب حسرة بثغيب الهوه لو مريت
بحيث الهوه وريتي ابينهم خنكة
خرسه الدمعة بيه وكاتم الحسرات
وتختاض البلابل ساعة الملكه
اليوجر بالحطب يحتاج صفنات
ودمعي عالحطب لو نكط يحركه
انه حسرات بعدك مبتليني الليل
وعلي من الصبح لزمت سره الشهكة
اتنطر شوفتتك وانتظر من اسبوع
حته الحك انشف دمعة الملكه
اجيلك واستحي وتخجل الجلمات
اخجل من اشوفك تستحي الشبكة
انه بيك ازرعت وكتي المضه وياك
الفخر بس للفلح لوحملت النبكة
انه الطايح صرت جن ريشة الرسام
ريشة ومن طحت ماسمعت طكة
الهوه لليختنك ربك دوه خلاه
ولاجن بالعشك نسمة هوه تخنكه
