عباس النبراس/ ناصرية
انه علمني الوكت باول وداع
الجنت احبه وراح مني بساع
ربع يابس بالارض والباقي ماي
اذا ناوي تغيب اكثر تغرك الكاع
انه عيوني بدمعهه تغطي حته الغيم
الحرارة البالكلب منه اعله الشمس باع
البيه شوك مترس الوادم عذاب
تصفن الوجهي ومدري شنهو البيه ضاع
شافوا وجهي صوفر جابوا الدكتور
مايدرون دمعي اعلى الوجه ماع
انه موشل السوالف من رحت لليوم
جنت صاعي ورحت ياهو اليرد الصاع
ولا لشه بجلدي ظلت عايشه بلياك
بغيابك كمت اشم الشوج نعناع
واجاني الموت يسال ناخذ الروح
ولا جني اسمعت ومتاني اخذ هيج اطباع
جنت وياك شيخ وناسي نعمة هواي
بطرك خاجيتي هسه وما بقتلي اتباع
تانيت النهار وليلي كلش طال
غفن رجليه ذني الجانن اسباع
جن سفينة وروحي غاصت كل بحار
الدنيا هاي وما بقت بيهه شراع
