الشاعر / كرار ماجد
طفه بريتي الجمر اي وانتچيت
ومني شتلوا عود طك منه ورد
وسافر بروحي الهوه وشابگني حيل
كلفه لاچن خلصت ايام البعد
أمشي واعگد بالشبابيچ ابراك
وحتى للماله بخت چنت انه اشد
وهسه شباچ الگلب يشفي العليل
ولاجل حاجات الخلگ گمت انعگد
ونفسه دولاب اللفاني من الرحيل
الما عرفت ابفرته يا حلگ انه اسد
جيتك دولاب لاچن للزغار
المادروا من يا كتر بي ينصعد
ونمنه يم ذاك الغصن بالغبشة ذيچ
ومن خجلنه انطينه كل ذاك الورد
حسدوا الماي شكثر بالبير عاش
واحنه مثل اطفال نلعب ننحسد
ولمن نبرد ندفه بمشابگنه حيل
الوادم تدور الدفو واحنه البرد
وخضره بينه الگاع ما نشفها بور
رغم صفر وجوه ما صوفر زند
ومن زرعنه اشواگنه وخضر حنين
الحلوة بي اربع مواسم ينحصد
