علي الوائلي/ سماوه
اعتليت وهاجرت يالماتعرف اطير
عمدن كابرت يا لظلتك غزوة
تطير ولايجي غيري يباوع بيك
والشامت يبيع بنص اقل شروة
يالبشفتك حياة لقبلة الانسان
شيلت حاجبك بالسلف جن بلوة
يالخصرك هلال بنص ظفيرة نجوم
الليل بعازنك واعله الصبح يقوه
يالطول البشعرك حاذه وجه الكاع
اخاف الكاع تدخل نزوة الشهوة
يالحاجب مشيتي منين ماأندار
عيونك بالوصف نص دونم وثروة
خدك جن زحل ماخذ مكان احساس
وكوكب شامتك اطعم من الكهوة
الدنيه بمشيتك تعرك إذا مريت
بصف وردة الهوه بساعتها يطوه
الترافة بوجنتك وجتني وجة موت
نهر عطشان إذا داروه يجوه
زندك مفردة عريان والسياب
ظل تمثال لو مريت يتلوه
