احمد الحديثي/ الانبار
مرني عزة نفس شايلها يتيم
فشلة يباوع اعله الجيب
مر بيه العشگ مو عيب… مرني بسچة خدرانة…
الصبح يم بابي طش الشيب… واشوف الدنيا سكرانة
الخميس وما اجه من اسنين
… لان بي زفو فلانة
قرولي الفاتحة بنفس الجوادر ذيج.. شفت الناس فرحانة
مرني براسي طگ فرگاك… الهوى من ايشمني احسن يعثر بذكراك
مرني…
العنده مثلك مو سهل ينساك
اتبده وارد ولتم…
منشوفك كلي يتلعثم
اناطر جرحي من ينام
اطلع بالي بيك اشتم
الدرب ذاك الخذاك وراح… منمرن بيه يتلثم
طشني سالوفة بحلگ ديرم عجوز… الجگارة بايدها طگ بيها شيب
الحرام وياك بس انت يجوز
انه بلياك احس تابوت
الضوه لو مو الظلام يموت
يونس بيه مرني الحوت
الهوى يخنكني من اتفوت
كد ما جرحي صار اجبير
تطب وتطلع بلا صوت
تره الفلاح باحساسه الهرش تلگي
دبس مر مو يبس عرگي
السرگي يموت اذا ماتحظنه الزرده
الندى لو ما الشمس ماعرفته الوردة
غشيم الما درى بحالي
اشيلن راسي حته انساك
ورد والكاك گوة وترجع ابالي
بحيث اتصور شكد ما الك مشتاك
ادور خيالي ولكاه يمشي كبالي
احن لمسامرك جن عصر والجيران
بشتا وريحة الطين تفوح ريحة چاي
وجه خيالك كعد يمي
وجاني الماخذك مني
وجوني الماردتهم عثرة جو ممشاي
بس انت الوحيد لهسه شو ما جاي
وخظرن بجروحي ملگه
وحظن دافي
وخوف مني اتبده ريحة وجان من موعد قديم
الزفة باجر
الغرفة خدرانة خجل.فانوص طافي
وشايب يناطر يرد يرجع شباب
يذبح بتفكيره عكازة قديمة
عايشه ابيت الجگارة
حته مني يشيل تعب اجتافي
تره الترجية تعشگ لو زلف لو ناي
مرني ورايدك ملگاي
من يوم العرفتك عايش بمگفاي
گبال وجهي تعيش ماردت بگفاي
ودمعي ماشفته لان مشكلته ماي
لماي اذا يعطش شيشرب گلي ماي ؟
صف فرگاك يوجعني صفحتين
صفح رمان بخدوده صفح تين
هلك كون اشعل البيهم صفحتين
لان مو مرة الخلفوا هاي اذية
