مسلم باسم الفتلاوي/ ناصرية
راح الوي الدنيا من اذيالها
وراح اسولفلك حجي اليبرالها
الكذلة بم عريف تكتل بالمكان عيب تسكت والفشك يحلالهه
الفارت ومحد شربهه وبيهه هيل
حيل تحزن لو بقت بدلالهه
الحصدت وعدهه خجل من النخيل
الثمر يفرح لوكعد بسلالهه
الدنيا دواره وغدا خنجزهه بيك
بالك ازامط بعد بنذالهه
السمه لوكشخت عدل واهسهه ليل
تحلى كشختهه ابياض اهلالهه
الكاع للحاقد جمر باجر تصير وتحرك اطرافه التعلهه وشالهه
الرفع خشمه اعله الخلق عمره رخيص
باجر اتذله الحجاية الكالهه
الدار وجهه وشاف روحه بطرك ثوب
مايعرف الخوه لمن شالهه
العاين الروحه وخزر طعنات اخو
ملحه ماغزر ابناس امثالهه
الماتت وميت رجلهه جسره حيل
تكسر التابوت لجل اطفالهه
الحافر بخده دمع من الفراك
بكلبه تلكه الجمرة تحله وشالهه
الحاسب امه اعله الغلط عايق دلال
ماخذة درس الرجولة بشالهه
