غياث الدين الشكري/ سماوه

يل من غدر صاير ..

مو شوكَ البالك ..

خطيت بيه جرح بيه واهس شكَد ترف..

خط بيه جرح فراكَ..

وجان الجرح ما نزف ..

كلش شريف بفركَتك ينزف خلكَ …

خصه لمن يشتاكَ..

خليتني بوحدي ..

يوميه ابجي الراكَ..

خليتني بوحشتي ..

ندخن ونطفي سوه …

لمن افكر رحت ..اطشر شما خلت كَدامي هاي الكَاع ..

واتلملم بصفنتي .. جنك الي رديت ..

يا عود عازف حضن .. حضن العزفته امس خلفته بس للدود ..

اصرفلك بعتني ابيش .؟؟؟

وخلفت الليالي السود ..

يطبع اعكَال باين نص عراضة وبان ..

يا فنجان كَهوة ومجفي نص ديوان ..

يطبع السده من تغدر تسد الماي ..

يغيمة الما بجت يوم اعله حس بجاي ..

من تكَبل عذب وبداخلك جم ناي …

يكاسر خاطر الوردة ..

يالخليت عيني بغيبتك رمدة ..

ينهر الما عرف مده ..

الك وياي بس شوغات ..

تعال هواي الك صوغات ..

بيه وها كثر حسرات ..

كل هذا وارد اردود ..

واكولن هم يجي ويعود .