الشاعر/ حازم جابر
لملميتك ياندى مبعثر على الوردات
وي طلة الصبح خايف لكيتك
ولملميتك صفنة صفنة وذكرى ذكرى ودمعة دمعة وكبريتك
وجيتك اتهجالك حروف العشك مثل الاطفال
وصرت تقره واني صار سنين احاول ماقريتك
وكالو بعد متخضر بكلبك محبتي
جيت اناغيلك شعر مسكي بدموعي وخضريتك
وشلتك بروحي عطش كل هلسنين
وانت تغرك بلعسل كد ما رويتك
وعصرت كل عطر بروحي الك بثنين ايديه
وجيت يمك عطريتك
وجنت اكل للناس غركني بحنانه
وهمه بعيوني لكو دمعة اذيتك
ومانسيتك
هي هاي المشكلة التاكل بروحي
اني ناسي وجوه ناس اله انت مانسيتك
وي عمري الكاك تمشي مبسمر بجفني ويه رمشي
شرد اكلك وانت كلشي
انت فرحي المالكاني ومالكيتك
وهسه وينك؟؟؟؟؟؟؟؟؟
موخلص شوفي على الدروب البيهة تنطريتك
وهسه وينك؟؟؟
كالو بآخر الدنيا حلم باجر تشوفه
وجيت امشي وصرت ازحف وصرت ميت وعتنيتك
وكسرت خاطر العالم بجو من كثر متوسليتك
ليش ياكلبي تظل هيج اعلى نيتك
وكلي منهو الهسه يتحمل خطيتك
آآآآآآآآه يالخلوك وحدك وانعرف للناس صيتك
وآآآآآآآآآآآآآه يالمختنك دومك والهوه مادخل ريتك
اي شجاني اي شجاني بماي حبهم جيت بأيديه سكيتك
ليش صدكت الشمس باجر تدك الباب وتضوي اعلى بيتك
وليش صدكت الحجي الجذاب من كالو نطش اعمارنا ورود المشيتك
اليمته يا كلبي تظل هيج اعلى نيتك
وكلي منهو الهسة يتحمل خطيتك
