أمي بكل شعر صغتلهه تمثال..

ورسمته بصورة متمر اعلى بالي..

امي وياي واقع حت بالاحلام..

وتعيش اوياي اكثر من خيالي..

وامي بكل بحر تلكاهه الامواج

وعلى بحر الشعر فد شي مثالي..

وامي اعلى الوزن وزنوهه بجبال

وعلى راس الجبل راس امي عالي..

وامي على الدنيه تكلي غلطان 

وتتبعهه بلحن يبني يغالي..

وامي بيوم مرنه وصادفت عوز

شفتهه تناجي ربنه وتندعيله..

طلع مو من ادينه انوفر الزاد

دعاء امي طلع هوه الوسيلة..

وامي الما رضتنه انام جياع

عدنه افلوس جانت بس قليلة..

سألت امي اشعجب متروح خطار

تكلي الما يجيلي اشلون اجيله..

شفت كلماتهه تمر بيهه حسرات

تريد اتروح بس ما عدهه حيلة..

تطلع كل فجر ثاري امي للسوك

تجيب اطحين بس ما عدهه شيلة

وامي بيوم مرضت وطت الراس 

وعلى افراش القهر امي عليلة

اعاينهه بچت ما تكدر تكوم

وكع عدنه طفل ركضت تشيله 

امي تعيش واقع من قدمهه

وحليب البيهه طاهر منقي دمهه

اذا الجنات تدني من قدمهه

لبوس اجدامهه صبح ومسيه